السلام عليكم ورحمة الله وبركاته


الله يعطيكم العافيه جميعا


ان شاء الله ناوين رحله بالصيف لاسبانيا وايطاليا ومانستغني عن خبرتكم




باخذ رايكم بالبرنامج هذا
الوصول ملقا ونجلس 3 ايام فيها نشوف غرناطه وقرطبه
نطلع بعد ملقا على برشلونه
ومن برشلونه ممكن ناخذ ست ايام في برشلونه ومنها على ميلانو




لو باخلي التنقل بين المدن بالسياره لان القطار صعب علينا حنا عائله كبيره شوي ماشاء الاه تبارك. الله


هل المسافه بين ملقا وبرشلونه طويله؟!
واذا كانت طويله تقترحون علي مدينه نوقف فيها نريح يوم مثلا؟!


ووش الخطوط اللي فيها رحلات مباشره من الرياض لملقا








بانتظار ارائكم واقتراحاتكم

وعليكم السلام ورحمة الله وبركاته


حلو كاتخطيط من ملقا الى برشلونة تقريبا الف كيلو
ممكن توقف في فالنسيا تبعد حول 620 تقريبا ااذا كنتو تحبون البحر
او الى مدريد العاصمة تبعد 500 كيلو


واتوقع فالنسيا اروق اذا كنتو عددكم كثيررر اما اذا عددكم اربع اشخاص مدريد افضل


والخطوط الي تروح لملقا اخبر السعوديه تفتح في الصيف والله اعلم

الف كيلو..

طيب فلورنسيا فيها شي نروح له ولا مجرد توقف وراحه


مشكووور اخوي الله يعطيك العافيه


يعني اعتمد هالتخطيط؟!


ووش افضل خطوط من برشلونه لميلانو من تجاربكم؟!


ومتى برايك نستاجر سياره؟!
تنفع لنا الباصات السياحيه في ملقا ولا نستاجر سياره من وقت الوصول افضل؟!

اقصد فالنسيا

اكيد فالنسيا جميله جداا فيها حديقة الاسماك وقلاع جميله ومتحف الفنون
مدينه كبيرره ترى ثالث اكبر مدينه بعد مدريد وبرشلونة على ماظن
الاعتماد حسب رغبتك الاكثر بس اشوفه ممتاز
ومن ناحيه التنقل الي فهمت عليك السكن في ملقا ثم التنقل لغرناطه نفس اليوم ثم الرجوع الى ملقا ثم من الغد الذهاب الى قرطبه ثم الرجوع الى ملقا ثم الاستعداد بعدها الى فالنسيا ثم الى برشلونه (كلها بالسيارة )
طبعا برشلونه ماينصح فيه السياره لانه بتكون متعبه شوي الافضل استخدام المترو في التنقل في برشلونة
ومن ناحيه الطيران دور لك ارخص شركه وان شاء الله تكون حلوه
وهذي بعض التقارير عن الطيران الاقتصادي
http://www.travelzad.com/vb/t57374.html#post598424


وفيه http://www.vueling.com/EN/?language=EN


و Meridiana fly**online booking


http://www.blu-express.com/en/index.html


http://www.meridiana.it/it/index.aspx

اللله يعطيك العافيه تعبتك معي



يعني اكنسل مدريد ماعليها حسوفه؟!




يا اني اعتمد مخططك هذا


او اني اخليه مدريد القدوم طبعا

نريح يوم والثاني نروح لقرطبه نزورها ونرجع بنفس اليوم


ونمشي باليوم الثالث لبرشلونه




بما ان مشوار برشلونه مدريد اقصر من ملقا برشلونه عجزت ابلع المشوار ذا




يعني اكتفي بزيارة قرطبه بس


وش رايك

والله مدريد حلوووه خصوصا الي يحب نادي ريال مدريد ولاحظ انها بعد العاصمه يعني اكيد حلووه

بس بما انكم عددكم كبيررر اتوقع فالنسيا اروق لكم والاختيار على راحتكم ومزاجكم في السفر


بس مافهمت عليك تزور قرطبه نفس اليوم وترجع اذا كنت تقصد من ملقا ايه عادي البعد بينهم ساعه وشوي , اما اذا كنت تقصد مدريد صعبه مرره لانها فوق اربع ساعات ونص

لالا اقصد من مدريد يعني اكنسل ملقا يصير القدوم على مدريد ونزور ياقرطبه ياغرناطه من مدريد ونرجع .. وش الاقرب؟!

وبالنسبه للسواقه هناك

مثلا لو السياره تشيل بس تسع اشخاص


ويركب فيها عشر يدققون مثل المانيا ولالا؟!
مع ان في المانيا ماناظروا بالسيارات حتى
بس الاحتياط واجب بعد

المسافه كبيره بين مدريد وغرناطه 450 تقريبا

مركز تحميل الصور



شف مدريد بلون الازرق
و غرناطه بلون الاحمر
وملقا بالون الاصفر
وقرطبه بالاخضرر