ممكن اعرف معلومات عن هذا الفندق ؟؟

هذا اسمه Der Sonnberg
لانه انا حجزت فيه لانه ما حصلت غيره .. هل في تكييف لانه حتى لو الجو بارد يحتاج مكيف لانه متعودين.

يعني مميزات الأخرى

تحياتي

البرنس

مساء الخير يا اعضاء المنتدى الكرام..

الحين انا في الفندق وبأمانة الفندق رهيــــــب جدا وما عليه اي كلام من ناحية النظافة والخدمة ..

بس المشكلة انه في اعلى القمة في الجبل .. يعني لازم تكون معاك سيارة عشان ما تستخدم سيارات الأجرة اللي تقطع الظهر يعني ممكن صاحبة الفندق تنزلك مرة باليوم بس طلعتك لازم تدفع 10 يورو .. يعني 6 ريال عُماني او 60 ريال سعودي .. ألخ..

انا سكنت في جناج ومكوناته كالتالي:-
1- غرفة بسرير زوجي.
2- غرفة بسريرين منفصلين.
3 بلكونه مطلة على البحيرة ..
4- سونا بالجناح خاصة بك.
5- صالة وطاولة طعام.
مطبخ مصغر لطبخ الاشياء الخفيفة.
تحياتي للجميع

هذا الفندق هو اللي سكنت فيه في هذا الصيف .

لذا بلغ سلامي ل نيكول ولتوماس ( اصحاب الفندق ) ، وقلهم عائلة الدوسري تسلم عليكم .
ولا تنسى ان تقرأ سجل الزوار والموضوع في استقبال الفندق .

لا تنسى الاكل من مطعم الفندق بالاطباق اللي يسويها توماس وخصوصاً ( الدجاج سويت اند سور و والدجاج بالكاري ) شيء مش طبيعي ..!!

ومثل ما قلت المكان يحتاج سياره وللي ماعنده سياره لا يسكن .

الفندق رهيب جدا ... اسف اخي رجل شرقي انه شفت النت الحين وانا حاليا في النمسا وما وصلت رسالتك لانه شفتها متأخر ..

سلامي للجميع

هلا ابو مطر ..
بما انك سكنت فيه هالصيف .. ممكن الله لا يهينك تفاصيل أكثر من حيث السعر ودرجة الراحه والفخامه والموقع والإطلاله وان امكن صور له ..
تحياتي ،،

الأطلالة جميلة جدا بس لازم يكون معاك سيارة للوصول إليه لانه صعبة انه تروح وترجع بسيارة أجرة لانها مكلفة كثير وأتوقع انه يحتاجلك باصين لانه اكثر سيارات التاكسي باصات ميني يعني لعدد 6 أشخاص فقط..

النظافة جيدة جدا جدا جدا .. انا سكنت فيه وارتحت كثير من المعاملة وحسن الاستقبال ..

الصور عندي بحاول انزلهم بعد شوي..

عطنا تفاصيله يابومطر يمكن ينفع لنا (ما دمت سكنت فيه فهو باذن الله جيد )

اصلاً هذا اللي كنت برشحه لك يا ابو بدر .. يشهد الله صافط لك .

كفو يابو مطر هذا ضني فيك ما تصفط الا الخير 0

عطنا رابطه او عنوانه او احداثياته 000 لاهنت