السلام عليكم ورحمة الله وبركاته
حبيت اشكر جميع القائمين على هذا المنتدى الاكثر من رائع والذي انظميت له بعد ان رأيت جميع التسهيلات والمشورات المقترحه من الجميع مراقبين ومسؤلين وزائرين
فـاحبيت اخذ مشورتكم او ياليت حد يشور علي او يرتبلي خط سير رحلتي الصيف القادم
رحلتي كالاتي
تاريخ الرحلة :- شهر 6 من( 13 لــــين 27 )
مدة الرحلة :- 15 يوم
بلد الوصول والرجعه :- المانيا ( ميونخ )
الاماكن المراد زيارتها :- المانيا والنمسا
عدد الافراد :- 2 كبار 1 طفل
شاكرين لكم تعاونكم المتواصل وخدمة المسافر وتسهيل كل الصعاب

للرفع ، بإنتظار الخبراء للإجابه عن إستفساري .

في البدايه رحله موفقه


اذا كنت راح تستخدم سياره وهذا الافضل
احرص انها تكون ديزل وتماتيك
مع وجود جهاز الجارمن

وطبعا الفيزا او الماستر
توزيع الجدول الرحله
عندك الاخوان والاخوات راح يفيدونك اكثر

مثل الاخت دموع

وغيرها من فرسان المنتدى

رحله موفقه

هيه نعم ان شاء الله ناوي اخذ سيارة من المطار وطلبتها ديزل
بس عندي مشكلة في ترتيب الاماكن
الرجاء من الاخوان الي عندهم خبره المساعده

اخى الكريم حياك الله

الفيزة تسويها فى وافى لازم مقابله شخصيه , اذا ماعندك ياريت لو تستعيل لان المواعيد مب بسرعه ويوجد مكتب فى خان مرجان هو يطبع لك ويرتب لك

هل حاب تزور فينا ؟ اذا نعم لو مخلى الرحله ميونخ الذهاب فينا وتسليم السيارات من المطار

اذا لا ليله ميونخ او تقنسى
3 ليالى سالزبورغ
5 زلامسى
2 ليلتين انسبروك
4 ميونخ ( معلومات عن ميونخ بتشوفين جدول مثبت فيها اهم الاماكن ) واذا حابه فنادق فى السنتر بقدر اساعدج

السلام عليكم ورحمة الله وبركاته

مشكوره اختى على المساعده وماشاء الله البرنامج ووايد حلو بس لو ترومين اتعدليلي عليه شويه
انا مابتم في ميونخ بظهر برع يعني منطقة قريبه منها , وسالزبورج مااظني اسيرها اذا في منطقة ثانيه احلا منها, والشي الثاني انا مابا ايلس في ميونخ ووايد يعني 2 ليلتين كفايه حق المشترى
ادري بتعبكم معاي بس تعرفون مالنا حد غيركم ناخذ بشوره

خلاص أجل نلم لك ليلله بس فميونخ عشان تريح .. ومن بكره روح لقارمش .. ومن بعدها لزيلامسي اظول مده هناك .. واذا فيك شده روح فيننا ليش لا .. وخر شي ارجع ميونخ ليلتين تسوق ومغغادره ..

أنا تقريبا نفس رحلتك 15 يوم والوصول والمغادره ميونخ وراح أروح لهاماكن بالترتيب ( ميونخ , قارمش , سالزبورغ, زيلامسي و فيينا .. وثم العوده الى ميونخ والمغادره منها ) فيها أكيد تعب بس السفر مغامره وحلاتك تستغله بكل اللي تقدر عليه .. ونفس حالتك معاك طفل أنا طفلين والله يسهل ع الجميع

مشكوره اختي سميه ويعطيج الف عافيه

المخطط جميل بس مافيه اماكن ووايد
انا حاب كل مكان اجلس فيه 2 ليلتين بالكثير
ومثل ماقلتي زلامسي حلوه وراح اقعد فيها تقريبا 4 ليالي , بس بعد حبيت اروح اماكن جديده
واذا فيه امكانيه ازور يوربا بارك في روست الالمانيه او لا وهل المسافه طويل وهل في منطقة قبلها اقعد فيها ليلة اريح واليوم التالي اكمل حق روست ؟
اتمنى من الي عنده الخبره والمعلومات الطيبه لايبخل فيها عشان يفيدني وكذلك يفيد الاعضاء الاخرين

شاكر لكم تفاعلكم المستمر والفعال في طرح الاراء والمعلومات لتعم الفائده للجميع
جزاكم الله خير ، وبارك الله فيك على الإفادة.