السلام عليكم ورحمة الله وبركاته


تم بحمدالله الوصول الى رست بعد رحله طوويله وشاقه مع الخطوط القطريه..


الطياره من الدوحه الى فرانكفورت كانت رووعه

الجو حالياا مطر ودرجة الحراره 15 ..


طبعاً لا تخلوو رحله من رحلاتي من فقدان الجنااط..


وللاسف ماوصلت جنطتي وقالولي انها قعدت بالدوحه ههههه وبكره يوصلونها لي الى رست..

وصادفتني مشكله ثانيه يوم استأجرت السياره الشركه سكست .. وسعر الايجار 16 يوم فورد فوكس كان ب 570 يورو


لكن تفاجئت يوم ركبت السياره انهم خذو مني 1570 يورو؟؟؟ المهم أنـْْـْْا ‏​​​​ راسلتهم اٍَلًّحٌيِـٌـِْنْ وبنتظر رد منهم بمكن المبلغ الزايد تأمين ينرد لي؟؟


ومشكله ثانيه اني يوم ركبت السياره هي قير عادي ماعرفت اشلون ارجعها R واحاول يمين ويسار ماقدرت .. اخر شي شفت الماني بيض الله وجهه ركب السياره وضغط دقمه بالقيرر تسمح اني ارجع السياره ورا ^_^


الطريق من فرانكفورت الى رست كان زحمه

وانشالله راح اكون وياكم اول بأول ..


والفندق اللي ساكنه lowen


وهذي حالياً






وانتظروني بكره ارتبلكم موضوع طيب عن اليورب بارك

ماشاء الله
الحمد لله على السلامة
يبدو أن نسيان الشناط منتشر بين الخطوط رحلتي الاسبوع الماضي مع طيران الاتحاد جلست 3 ايام بدون شناط

أظن المبلغ الزايد للتأمين

بانتظار ابداعاتك

بأنتضارك اخوي رحله موفقه

رحلة موفقة وننتظر التقرير اليومي وبتوفيق بسؤال درجة الحرارة في هذا الوقت 15 ؟

الله كريييم ياخي لازم يعكرون جوك .. اصلا اناا كنت ادري انهم بيضيعونها وصورت الجناط بالكويت هههههه احتيااط وفعلا ضاعت.


وبالنسبه لشركة سكست توهم خاطبوني وقالوا ان المبلغ الزايد عملوا عليه )block(


وهذا شي روتيني..

اشكرك عالرد .

درجة الحراره اليوم .. ادنى درجه 12 واعلى درجه 19 ..

الحمد لله على سلامتكم

حنا اليوم وصلنا رست بعد جايين من انترلاكن


وبالنسبه للبرد فالجو يجننننننن هنا


ذبحنا البرد بانترلاكن


والامطار على طول مستمره


رست ادفى بكثير


وبكره ان شاء الله يورب بارك

حمد لله على السلامة. بالنسبة للمبلغ، هذا تأمين السيارة اللي راح يرجع لك بعد تسليم السيارة والتأكد من عدم وجود مخالفات أو صدمات. ولكن سعر التأمين كبير، عادة يحجزون نفس مبلغ التأجير، وسبق وحجزت سيارة من سكست بسعر قريب من سعرك وحجزوا نفس مبلغ التأجير. أما الريوس، خل القير بالفاضي واضغط عليه وحطه بالريوس.

سفر سعيد

اجل الوعد بكره في اليورب بارك .. (: