السلام عليكم ورحمة الله وبركاته


عائله بتسافر برى من السعوديه على الخطوط المصريه وطلع الترانزيت في الذهاب 10 ساعات
والعوده 12 ساعه
هل المطار آمن للانتظار فيه طوال هالوقت

إحنا بعد على المصريه 7 ساعات وبأذن الله آمن لان الفوضى بعيد عن المطار

امن ولو تدخلون يكون أفضل يمكنكم زيارة مدينة الرحاب القريبة من المطار والتمشية فيها والعودة للمطار

لاتخاف الوضع جدا امن ويااعضاء اصدقووا مع الرجال لاتخوفونهدامك بالمطار وترانزيت ولاابن امه يكلمك او يقولك ثلث الثلاثه كم
دايم اروح واجي معه مع عيالي
مطار فخم ونظيف ووسيع ولائق واماكن وضوء وصلاة ومطاعم واكل نظيف 100%
اهم شي كاي مطار بالعالم لاتتلكم مع احد او تترك عفشك او تاخذ وتعطي مع اي احد اطلاقا تجنبا للشبهات اجلس بمقعد الانتظار حتى تجي رحلتك وبس


بعض المواقف الظريفه
اول ماندخل صاله الترانزيت بعض العساكر يلمزون ياشيخ ياشيخ زلبه وطنشه كانك ماسمعت شي خذ عفشك وخلك مثل السبهه لاتضحك بوجهه ولاتناظره ولو عابط معك اي احد قل وين الظابط المسئول وعموما تطمن لاتخاف محد يعابط هناك مازال السائح السعودي له هيبته عند المصاريه
يخافون منه ومستحيل احد يتعرض لك وسط المطار دامك ترانزيت

وبعدين لاتخاف عفشك ترانزيت وشنطه اليد فيها جوازاتك وبوكك حطه بمخباتك واذا معك كاش كثير زبنه تحت البنطلون دايم شنطتي فيها ا يباد وقارمن وجوالات وكتب واغراض شخصيه ولابن امه يقول شي .زوجتي بنقابها في مطار القاهره ولاجا التطبيق تدخل قسم النسا يطابقون ويفتشونها بس طبعا حريم عسكر



بعض العاملين زي حقين النظافه والبلديه يجون يشوفونك داخل الحمام يجي يغسله قبل او ينظف يبي تدفه ب5 جنيه ولاشي برضووو زلبه وادعس ع خشمه ماكنك شفت شي


اهم شي تطمن 100000 % ان شاء الله محد يتعرض لك اطلاقا لاانت ولا زوجتك الوضع جدا اامن وعليهم تشديد بالمطار خيالي

مع احترامي لك يالغالي
ولا احد يفكر يطلع برا المطار لو مدينه جنب المطار لانك مسئول نفسك
وقتها انتبهووووو

لا يوجد أي مشكلة أختي الكريمة ان شاء الله
والمطار الجديد كبير ورحب وممتع والله يعينكم ويوصلكم بالسلامة

مطار القاهرة نظيف وكبير وفيه خدمات ومطاعم ،
وتعامل العاملين بالمطار مافيه أي مشاكل ،
رغم إن الترانزيت حقكم طويل جدا الله يعينكم ،


اقل مايقال عنك إنك وقح

الوقاحه متاصله بردك وتعكس مدى تربيتك الوضيعه اللي تعكس مدى وقاحه اسلوبك
استغرب من شاكلتك الصراحه وسبب ردك الوقح !
ارجو ان تمر مرور الكرام او تكرمنا بسكاتك

قلق باسورد
ردك مجرد إثبات جديد لما ذكرته عنك ..

...................

المال مال رب العالمين ،
الدين ثم مروءة الرجال تعلمنا كيف نعطي وكيف نمنع ووالله مافيها أساليب الدعس والاستكبار التي تنتهجها الأنفس الفارغة الناقصة ..

لاحول ولاقوة الا باللهوبعدين يعني
انت شخص شكلك فاضي وكثيره اشكالك بالمنتديات
وسبب تأخر المنتديات وإغلاق كثير من المواضيع بسبه مهاتراتك التي لاتغني ولاتسمن من جوع ورجاء ياخي الى هنا وكفا
بالبداية غلطان علي والحين داخل بااسم الدين والمرجله