بداية موفقه مشوقه
حجز مقعد بالدرجه الاولى وبالمقدمة

وافي وانت للوفاء اهل

بانتظارك ..

اتشرف اخوي بمتابعتك الطيبه واتبشر باللي يسعدك ان شاءالله

الحمدلله على السلامة والتقرير شكله راح يكون ممتع.

متابعين.

تشرفت بمتابعتك الطيبه وابشر ان شاءالله باللي يسعدك بس اخلص من تنزيل الصور وابشر طال عمرك

اولا : مدينة بانكوك ( المحطه الاولي ) :

اليوم الاول :
وهو يوم المغادرة والانطلاق من مطار ابوظبي الدولي عاصمة وطني الغالي الامارات والسفر طبعا على طيران الاتحاد واليكم بعض الصور من مطار ابوظبي الدولي :











- طبعا الحمدالله انطلقنا وكانت الرحله بالموعد ,,حبيت اذكر انه الوزن المسموح على طيران الاتحاد الان اصبح 30 كيلو للشخص على الدرجه السياحيه ويمشونك لين 32 كيلو بدون مشاكل.
- الحمدالله وصلنا مطار بانكوك بعد رحلة استغرقت بالظبط 5 ساعات و40 دقيقة تقريبا ,,,وكان الوقت يشير تقريبا على 7 : 50 مساءا بتوقيت بانكوك .
- وصلنا وخلصنا الاجراءات بطريقه سريعه ومافي زحمه لانه الوقت كان يساعدنا ,,وخلصنا تختيم الجوازات واستلمنا الحقايب وتوجهنا لبوابة الخروج , وكان السائق بالانتظار وعلى طول الي فندق اماري بوليفارد وهو اول محطه لنا وان شاءالله راح نقعد يومين ببانكوك قبل التوجه الي شانغماي .
- وصلنا الفندق وخلصنا اجراءات الدخول بكل يسر والفندق جدا ممتاز بصراحه ويغلب عليه الطابع العربي لكثره وجود الخليجين وخاصه الاماراتيين ,,, المهم استلمنا االغرفه على حسب الحجز وطلبت سرير اضافي للولد وطبعا كان مجانا وماخذوا شي ,,, وخذوا مبلغ 2000 بات تامين فقط .
- طبعا ريحنا شوي ونزلنا على طول نتعشي لانه كنا يوعانين عالاخر المهم مرينا اول شي بمنطقه العرب وخذنا بطايق اتصالات من مكاتب الصرافين المنتشره في نانا وكانت من شركة 12 call وبصراحه الشركه جدا ممتازة واسعارهم حلوة ,, وانصح فيها ,, وعبينا رصيد تقريبا 500 بات لكل بطاقه ,,على فكره انا خذت بطاقه شامله للبلاك بيري مع الخط بمبلغ تقريبا 800 بات مع اشتراك لمده شهر مفتوح كامل ,,البطاقه الثانيه خذناها لل Q10 بس بنظام الباقات وخذنا 2G لانه البلاك بيري Q10 ماله نفس الخدمه للبلاك بيري القديم يعني نفس نظام الاي فون .
-بعد ذلك ع طول لمطعم شهرزاد وهو المفضل عندي والحمدالله اكله جدا راقي ونظيف واسعاره لا باس بها مقارنه بالمطاعم الثانيه ,, والحمدالله اكلنا ومن ثم الي محل الفود لاند اللي مقابل الفندق واخذنا بعض الحاجات الخفيفه للغرفه ومن ثم ع طول الي الفندق والي الغرفه والي النوم ,,وبهذا انتهي اول يوم ولله الحمد على خير وبكل هدوء وبدون اي مشاكل وكل شي على حسب الترتيب ,
- تابعووني ان شاءالله وراح اكمل لكم محطتنا الاولي ويومنا الثاني في بانكوك ووين رحنا ,,, تابعوووني بس انزل الصور لليوم الثاني

ماشاءالله تخطيط ممتاز وعجبتني بفكرة انك تريح في بانكوك بعدين تكمل رحلتك وانت مرتاح

منور الولد الله يحفظه ويصلحه ويرزقك بره

متابع معك

مشكور اخي الكريم بوعبدالعزيز عالاطراء وبارك الله فيك ,,والله يحفظك ويحفظ لك كل عيالك ان شاءالله