الحلو فيها ان مده 10 سنوات يعني فيز وخلها متى ما حبيت تسافر سافر
لكن للامانه لاحظت ان السفارات الامريكيه في كل دول الخليج غير مهتمه للخليجي لدرجه كبيره وهذا من مواضيع الاخوان والاخوات الي يشتكون من اجراءات الحصول على الفيزا
ناس ناطرين 9 شهور وللحين ما عطوهم بالسعوديه (ركز 9 شهور) يعني حتى نشوه السفر تروح بهالمده
بالنسبه للوضع عندنا كنت مخدوع من اكثر الاخوان الي يقولون سهالات وماعليك وروح وتطمن طلع كله كلام
الحل بسيط وهو عزل الجنسيات الغير كويتيه بصاله ثانيه (الوافدين ماشاءالله بالمستشفى وياك بالمدرسه وياك بالوزاره وياك ما بقى الا تسحب ال.... يطلعلك وافد)
وزع الكاونترات على الاقل خل 3 كاونترات خاصه للطلبه بس
هذولي حلين يساعدون للامانه في تخفيف الضغط عليهم وعلينا
ان شاءالله ما يطلعلنا عاد واحد من السفاره ويقرا كلامي هني ويردولي الجواز مفيز لبنغلادش
