مرحبا والله ببندر

بداية صغيرونه ،، وصورة وحيدة لكن مش مشكلة

متابعين معاك طال عمرك

في الانتظار

ابشر بالمتابعة

بس من وين بدت الرحلة سيارة والا طيارة ونشتي زيادة تفاصيل بارك الله فيك

بانتظارك عزيزي

افا يا بندر اليوم معصب علينا طال عمرك

التقرير بدايته غامض نبي نعرف سبب الزياره ومن الحراسه درينا انك رايح بسياره وايضا وقت الزياره

والصوره مع الاطلاله الرائعه تبشرنا بالخير يا وجه الخير تابع وراح ننشب فيك بعد

حركنا من الرياض بالسياره بتاريخ 6 /8 /1429 بإتجاه أبها قعدنا فيها حدود خمس أيام وحركنا من أبها على اليمن

طبعنا حنا أكثر من سياره ، السفره طبعنا عوائل ، ما فيه مكان للعزاب

على الحدود السعوديه يالله لك الحمد ما تنزل من السياره كل شيء يخلص بدقايق ما أخذنا ولا ربع ساعه

إلا ومخلصين والجمارك السعوديه المبنى جديد ماله الا سنتين أو أقل

نجي عند الحدود اليمنيه الي ما تخلص شيء أبد تدفع تمشي بأسرع من سرعة الضوء :109:

دخلنا الحدود اليمنيه صبح الجمعه الساعه عشر ونص و خلصنا الحدود إلا بعد ثلاث ساعات كل هذا لأننا ما دفعنا لهم شيء ،

مع العلم إن فيه لوحات معلقه تمنع إعطاء موظفين الجمارك أي مبلغ تحت أي مسمى

مشينا من الجمارك على الساعه 1:30 الظهر الطريق سيد واحد وطريق ممتاز ولا فيه حفر ولا أي

شيء ، عيبه إنك ما تقدر تسرع فيه يعني تمشي على حدود 100 ومليان محطات بنزين ونقاط تفتيش

ورجال الأمن يقدرون أي شخص خليجي خاصة إذا كان عوائل ولا يكلمونه ولا شيء لدرجة إني

مره ما أنتبهت لتفتيش وتعديته ووقفني ولا قالي ولا شيء كل الي قالة أهلن بك ببلدك أنتم أهل البلد

وصلنا على إب الساعه 10:30 طبعنا حنا قبل ما نمشيء لليمن كنا حاجزين ومخلصين أمورنا كلها الحمدالله

الشيء الي ما توقعت القاه باليمن طيبة الشعب والغرابه أكثر إن كل واحد الحاله ولا يناظر فيك ولا شيء بالعكس ما

تلقى منهم إلا كل إبتسامه وحسن المعامله ، والوضع أمان ولا فيه خوف أبد حتى لو تطلع 2 بالليل أمان

من السلبيات الموجوده

المطاعم ما فيها نظافه ( الاكل كله طبخ بيت وغيره ما فيه )

كثرة المتسولين

( إذا بترتاح منهم يا تهاوشهم أو ما تعطيهم شيء . لأن لو عطيت واحد منهم يجيك مثله عشرات الحل الأمثل ما تعطيهم شيء)

شكرا لكم إخوتي تواصلكم

وأعذروني على سؤ سرد التفاصيل

لا سوء ولا شي اكتب كل اللي عندك ولو على شكل سالفة

مستمتعين معك

سلامي عليك عزيزي بندر ،،، صور جميلة ،، وسرد رائع ،، ولا تعتذر عن سوء أو أي شيء ،،، أنت تكتب حتى أحسن منا

واصل عزيزي السرد المفصل ،، والصور الرائعة

والله يعطيكم العافية

الله يعطيك العافية

مستمتعين معك