يوم 11 تاريخ 20/8/2013 رحنا
فرست فلاير Grindelwald-first

من الاسم واضح ان المكان في قرية جريندلوالد يعني المشوار مسافة دقيقتين وهاليوم ايضا كان مميز ورااائع ولله الحمد
العبادلة طاروا في اعالي جبال الألب مغامرة ممتعة كانت لهم وبالنسبة للتذاكر تذكرة ركوب فرست فلاير غير عن رسوم التلفريك ممكن تاخذون التذكرتين مره وحده من تحت او ممكن تذكرة فرست فلاير من فوق احنا الموظفة قالت لنا خذوا من فوق احسن لكم لأن ركوب الفرست فلاير يعتمد على الوزن لازم يكون الوزن اكثر من 35 وانتوا معاكم اطفال يمكن يكونون اقل من هالوزن وما يزيد عن والله ناسية بس لا تخافون اظن الرقم كان كبير 100 او اكثرالمهم توقعت ان فوق في ميزان ياخذون وزنهم بس طلع ما في ميزان بس يسألونهم عن وزنهم ويوقعونهم يعني ممكن تمشون نفسكم مثل ما سوا عبدالرحمن ولدي زور في وزنه وسجل 36 وهو اقل من 35
تنبيه هام

لازم تاخذون معاكم جاكيتات وخاصة للأطفال الجو تحت كان حلو مشمس جزئيا بس لما وصلنا المرحلة الاخيرة اللي فيها الفرست فلاير تجمدنا من البرد وزين عيالي ماخذين جاكيتاتهم معاهم واول مره تمنيت الشمس وادورها ادواره
والحين مع الصور
الموقع تقريبا في سنتر القرية سهل جدا ما يضيع بعد ما تطوفون سوبر ماركت كوووب روحوا سيدة لين تحصلونه مكانه بين البيوت او ممكن تسألون مثل ما سوينا ان شاء الله الوصف واضح لاني اظن ما شفت له احداثية في المنتدى
في هذا المكان بالضبط







ووصلنا فوق


واول ما وصلنا استقبلتنا الأبقار الجميلة ما ادري ليش لما نروح مكان في ابقار نستانس يحليلهم يونسون

وهذا المكان اللي ياخذون الدور لفرست فلاير



شوفوا الوايرات اللي يتعلقون فيها ينزلون وشوفوا المسافة الصراحة انا كنت ميته خوف وانا اشوف







التصوير صعب جدا كل ما حد نزل صورته ما اعرف عيالي ولا حد ثاني ينفتح الباب وينزلون بسرعة واحنا واقفين على الحافة











يس وصيده قوية بس سمعت حد يقولي دورهم دورهم زين ما طحت في الهاوية من هالالتقاطة






وبعدين رحنا صوب المطعم











وتابعونا مع الحلقة القادمة ومغامرة جديدة قمة تتلس

يزاكم الله الخير اما لعبادلة

المناظر ترد الروح

ماشاء الله تبارك الله
تجربه فريده ورائعه وأول مره اشوفها
الله يسعد العباده ووالديهم ويجعلهم في جنات النعيم

المكان روعه والتجربه مميزه عجبتني كثير بس كنت اتمنى تكون الاسعار موجوده للاماكن اللي زرتوها زي ماتعودنا منك

الله تجربة روعة وجميلة

رااااااااائعه جدددا اختي ام العبادله تمنيت اني ما ادخل التقرير الا و انتي مخلصه لان ما فيني صبر صراحه
متابعتك لللأخررررر

الله يا ام العبادلة كل حلقاتج جميله ومميزه والسبب يعود لبساطتها واحتوائها على المعلومات المهمة والمفيدة للسائح ،، اشكرج على هذا التقرير الرااااائع.

ما زلنا انا والعائلة متابعين