اليوم ال 15 24/8/2013 وصلنا عند كابريو التلفريك المكشوف بس للأسف لما رحنا ناخذ تذاكر قالت الموظفة المطعم محجوز بالكامل والجو مغيم ومطر ويحليلها كانت صريحة وقالت حتى لو اعطيكم تذاكر وتصعدون ما راح تشوفون شي ابدا بسبب الغيوم الكثيفة والمطعم فل فرحنا اقرب مكان علينا بحيرة لوزيرن وحطيت الصور في بدايات التقرير


اليوم 16 تاريخ 25/8/2013
كان يوم رااائع جدا الاجواء غيوم والجو اللي على مزاجي

رحنا شلالات ريخن باخ من أجمل الأماكن اللي زرتها هل السبب الجو أو شعوري ذاك اليوم بالمغامرات









وصلنا المكان واخذنا التذاكر








وركبنا القطار المعلق وصعدنا فوق




واول ما نزلنا الشلالات على طول في ويهنا الصراحة انا وحدة احب الشلالات واحب صوت الشلال وجو الشلال ورذاذ الماي












يتبع

ومن هالسلالم راح تبدأ المغامرة وكنت ذاك اليوم مع خواتي بعد ما شفنا الشلال الصراحة ما كنت اعرف شنو في فوق شفنا الشباب راحوا صوب السلالم واحنا الحريم رحنا وراهم واهم شي اللياقة احنا الحريم تعبنا وشفنا كرسي وقعدنا وتصورنا وشفناهم ما رجعوا تأخروا قلنا بنكمل وراهم سبحان الله كنت احس نفسي في مفامرة شعور جميل وسط الاشجار وعبر السلالم وانا اصعد وما اعرف شي عن المكان



وسبحان الله واحنا نصعد تظهر لنا مناظر واطلالة في قمة الروووعة










وكملنا مشي وصعود عبر السلالم وشفنا منبع الشلال





وبعد كملنا صعود ومغامرات ومناظر رااائعة







يتبع

وكملنا الصعود وجدامنا لافتة والسهم يأشر الى مكان النزول او الرجوع للشلال


ووصلنا اخيرا للمقهى او المطعم في اعلى القمة وبعد الصعود والمشي وصلنا لمكان سبحان الله منظر في غاية الرووعة والابداع سبحان الله جمال صنع الخالق





طبعا الشوكلت لي والفانيلا لرفيق الدرب





سبحان الخالق





وبعد الجولة الرائعة في شلالات ريخن باخ نزلنا تحت والعيال شافوا الشطرنج وطاولة تنس وقاموا يلعبون



بنات اختي فديتهم





اكتشفت ان العيال يحبون السفرات العائلية يعني مع عيال خالاتهم او خوالهم او اعمامهم او عماتهم والحلو ان تقل ازعاجهم وسندارتهم

وركبا السيارة والنهار طويل والجو بديع قلنا نكمل طلعتنا لليوم هذا ورحنا بحيرة برينز وسبحان الله بعد هالمكان في غاية الرووعة والجمال بحيرة هادئة جميلة فاتنة واستغرب اني 16 يوم في انترلاكن وتوني في هذا اليوم بس فكرنا نروح




ووصلنا البحيرة









ورحنا صوب القوارب واستأجرنا قوارب صغيرة واستمتعنا بالجولة























وحصلنا جنب البحيرة مطعم شاورما حلال


وتابعوني مع بقية رحلتي العائلية الرائعة

روعه هالتقرير يا أم العبادله

جزء رااائع .. وبسألك عن مكان القوارب وين واذا عندك احداثيه اكتبيها .. وجزاك الله خير متابعين معاك للنهايه

تقريرج اختي روووووووعه


بس لو سمحتي بغيت احداثيات الاماكن اللي رحتوها


ويعطيج العافيه

من أجمل التقاااارير

السلام عليكم ورحمة الله وبركاته

اجزاء رائعة و مشوقة


ننتظر بفارغ الصبر تكملة التقرير


ولا تطولين علينا


وشكرا

الاروع مرورج حبيبتي الاحداثيات اخذتها من المنتدى ما قصروا المشرفين وسعيدة بتواجدج



حياكم الله سعيدة بتواجدكم في تقريري والاحداثيات اخذتها من المنتدى وتابع بقية التقرير

الأجمل مرورج وذوقج حياج الله ونورتي التقرير




وعليكم السلام ورحمة الله وبركاته


حياك الله ونورت التقرير والاروع مرورك الطيب بارك الله فيك

وان شاء الله راح اكمل التقرير