السلام عليكم

ما شاء الله عليك اختي الله يجزاك خير


أخوك ابو حمود المطيري

الف الحمدلله على السلامه يالغاليه وما تجوفين شر , بس
للامانه على الواقع انترلاكن غير, في الصور شئ ثاني ,
الطبيعه الي فعلا ما قدرت حتى افلام الهولي وود تنقلها بالشكل
الصحيح طبيعه عجيبه , ولكن لي رأي سويسرا الصراحه يفضل
حق شهر العسل , لأن حلاة سويسرا أنج تزورين المقاطعات
كلها او اشهرها , وما ينفع مع اليهال صعبه , يبي له بال رايق ,
فعلا حلوه وتقرير رائع , سلمت يمناك يالطيبه

صور حلوة حبيبتي وتخطيط جدا جميل
الله يعافيج ويعافي ولادج كلهم يارب

من احنا وصغار كان جدي دوم يوصينا . .. بالسفر
اول ما نوصل مدينة .. ناكل من بصلها ..
البصل الابيض النيء
( يحمي من الامراض والبكتريا والمغص وهالامور البديهية بالسفر )

وفي تقرير بوقت قريب قرأت السبب ..
انه البصل فيه بكتريا يمتصها من التربة.. وكل تربة لكل مدينة تختلف عن الثانية
وهذه البكتريا نافعة .. تعطي خط دفاعي للامراض المنتشرة بالمدينة ذاتها

حماية الهية ..
وبهالسفرة حرصت حرصت جدا على هالأمر وكلنا اكلنا بصل


المطل يجنن حبيبتي
استمري واحنا متابعين ... تقريرج لا يمل
كثري لنا صور

الله يهديك يا " أم العبادلة " ..... ليه بس ليه ؟

ذكرتيني بإنترلاكن وأجمل 5 أيام كانت في إجازتي ،،،، قرية جميلة وحلوة . والحمدلله رحت نهاية شهر 5 يعني وقت الإختبارات النهائية بالسعودية ههههه وكان عدد الخليجيين قليل جداً.
أشكرك على معلومة محل بيع اللحم الحلال وأظنها عند محطة القطار الغربية إن لم أكن مخطيء ؟

قرية جرندلوالد مريت بها وتجولت عند محطة القطار فقط.

ف انتظار الباقي .

يا هلا ومرحبا تسلمين حبيبتي على كلامج الطيب

وسويسرا انصحج فيها

حياج الله ونورتي التقرير

الله يسلمك اخوي الكريم
شقتنا كانت بدون قنوات عربية وبعيدة شوي عن السنتر هاي العيب بس الشقة كموقع روووعة
والله كابرون ما ينشبع منها وانا في سويسرا كنت احن لهابس حلو التغيير

اجرنا السيارة من موقع رنتل كارز rental cars ونوعها فورد

وحياك الله وتابع معنا باقي الحلقات

الله يسلمك اخوي الكريم صحيح القرية حلوه بس المسافة شوي بينها بين انترلاكن واحنا اكثر شي كنا نتمشى في انترلاكن بس اظن شقق هالقرية انظف واجمل من شقق انترلاكن من خلال تجربة اهلي في انترلاكن وايضا الطبيعة والجو في القرية حلى
حياك الله وتابع معنا بقية اليوميات


الله يسلمك اخوي الكريم وتسلم على كلامك الطيب وبارك الله فيك

وحياك الله وتابع معنا بقية التقرير

الله يسلمك مشرفنا الفاضل وكلامك كله صحيح

وتابع معنا بعد قليل هبوط العبادلة بالبراشوت


حياج الله اختي الغالية شموخ الرفاع والله يسلمج من الشر

فعلا الطريق للقرية جبلي والقرية هي جبلية
وبالنسبة لجبل هاردر من الاماكن اللي استمتعت فيهااطلالة في غاية الروووعة وان شاء الله تروحين المره الجايه
نورتي تقريري ويسعدني متابعتج للتقرير

وعليكم السلام ورحمة الله وبركاته

ويجزاك الخير اخوي الكريم

وحياك الله وتابع معنا يومياتنا السويسرية


حياالله الغالية نورتي تقريري يعني سويسرا بس لشهر العسل واحنا يعني ما نروح لهاما لنا رب تعرفين ليش تقولين جذي لانج ما سمعتي كلامي وما خذتي ميري معاج
الشي اللي افتقده هناك ان ماكنت اشوفج كل يوم

اسعدني وجودج في تقريري وتابعي بقية اليوميات

حياالله اختي الغالية بغداد وتسلمين حبيبتي ويعافيج
عاد افاااا ما قلتي لي هالمعلومة قبل خلاص السفرات الجايه بإذن الله من اول يوم نشتري خيشه بصل بس المشكلة شلون اغصب عيالي ياكلون بصل الله المستعان
اسعدني وجودج حبيبتي وتابعي معاي بقية اليوميات

احلى شي لما نرجع ونشوف الصور ونتشوق للسفر مره ثانية بس الله يهدي بوعبدالله ويسفرني كل سنة وما يقولي في كل سفره بعد ما يطلعون العيال عيونه هاي اخر مره اسفركم هههه والله يخليه لنا

اظن مثل ما قلت نهاية الشارع كان في محطة قطار يعني بس شوف مطعم البيتزا ادخل الشارع الفرعي قبل ما توصل لمحطة القطار

حياك الله اخوي وتابع معنا بقية التقرير

تابعوني بعد قليل مع المغامرات والمتعة