اخواني الأفاضل محمد سعيد النعمي ربيع الصحراء بوشرف اشكر متابعتكم للتقرير وحياكم الله

اليوم العاشر 19/8/2013
البحيرة الزرقاء Blauseeسبحان الله هالمكان جنة الدنيا مكان عجيب خياال بحيرة شفافة محاطه بالاشجار والجبال والغيوم ما توقعت انها بهذي الجمال واحس التقارير ما عطت حق هالبحيرة في الوصف
والجو في هذا اليوم كان خيال غيم ومطر خفيف فما ادري هل الجو كان له دور اني اشوف هالمكان بهذا الجمال ومن جهة في نهر يعني المكان للاسترخاء والروقان والمكان يستاهل ان نقضي فيه يوم كامل

والله كان ودي اتم طول اليوم هناك بس التخطيط كان ان نروح بعد اوشن سي لانهم قراب من بعض فـ بعد ما طلعنا من البحيرة الزرقاء رحنا الى

اوشن سي Oeschinensee

سبحان الله طلعت من البحيرة الزرقاء الراائعة رحت لمكان ثاني في غاية الرووعة والجمال ما ادري اقولكم الجو يمكن كان لاعب دور سبحان الله طبيعة وبحيرة في القمة ومحيطة بالجبال واحلى شي المشي بين الاشجاروصوت جرس الابقار والغيوم اللي كنا نمشي في وسطها وكنت اقرأ قبل السفر في التقارير ان المسافة للبحيرة طويلة ومتعبة بس ما حسينا بالمسافة من روعة الجو والطبيعة والابقار
وهذي الصورة واحنا في الطريق



وصلنا لـ اوشن سي وطبعا ما ننسى بطاقة سويس هاف فير اللي عندنا دخلنا بنص السعر وعيالي بدون رسوم










سبحان الله شوفوا منظر الغيوم تحتنا



يا سلاااام على المشي في هذا المكان وفي هذي الاجواء






نعم خير ان شاء الله اول مره تشوفون بقرة




اكلي اكلي وانتي اش وراج غير البلع

وقفتهم فيها نظرة استغراب بس من شنو الله واعلم



يبي لنا نستنشق اوكسجين نظيف لسنة كاملة وين بنحصل مثل هالجو



واول ما وصلنا عند البحيرة دار الهوا ونزل مطرقوي حلبه حلبه والحمد لله كنا قريب من هالمطعم ووقفنا تحت المظلة لين وقف المطر وفي ناس خليجيين مساكين كانوا في القارب في وسط البحيرة



















دققوا في الصورة 3 اشخاص طبوا في البحيرة واحنا متجمدين من البرد والمطر سبحان الله صج عليهم جلد تماسيح





يا زينهم اول مره اشوف رومانسية الابقار



وانتهى هاليوم الجميل والمميز وفي طريق عودتنا للشقة





وانتظروني مع الحلقة القادمة ومع مغامرة جديدة للعبادلة فرست فلاير

السلام عليكم ورحمة الله وبركاته


صور في غاية الروعة


البحيرة الزرقاء نعم لم تعطى حقها في بعض التقارير ، وفي واحد كاتب انها ليست بذلك الجمال ،،،


بحيرة أوشن سي اجمل بحيرة رأتها عيناي حتى الان


في نفس هذا اليوم كان رايحين البحرتين ، بس الصبح رايحين



متتابعين معاكِ الأخت الفاضلة ام العبادلة

ماشاء الله تبارك الله
الصراحه الجو والامطار والغيوم زاد الجمال والروووعه
نيتكم الطيبه نفعتكم وقت المطر تكونون قريبين من المطعم
في كل جزء الشباب منورين الله يحفظهم ويخليكم لهم ويخليهم لكم
وننتظر باقي الروعه والابداااع

وعليكم السلام ورحمة الله وبركاته

حياك الله مبدع الزاد وبارك الله فيك

وسعيدة بمتابعتك للتقرير



حياك الله اخوي ربيع الصحراء نعم كانت للعبادلة تجربة شيقة في فرست فلاير

حياك الله اخوي الكريم ويشرفني متابعتك للتقرير
وسعيدة بتواجدكم

منظر خيالي سبحان الله ،،، بحيرتان تستاهل الزيارة.

أحسنت.

يسعد يومك ومتابع معج تقريرج لاني قاعد اكتب تقرير ومو بس طفشت الا كرهت نفسي


اهنئج ع طوله البال وع كثرة الصور من دون ماتتكلمي الصور معبرة
واهنيج ع التنظيم والترتيب ورفع الصور


كتبت لج لاني في واقع تجربه
ما اقول غير ماشاء الله عليج