السسلام عليكم ورحمة الله وبركاته

افضل منطقة للسكن في برشلونة .. وينفع شهر عسل و قريب من اغلب الاماكن
واذا في اقتراح لبعض الفنادق المجربة ياليت والله ..؟






شكرا مقدما

وعليكم السلام ورحمة الله وبركاته

شارع رامبلا او الساحة الكاتلونية Rambla , Plaza Catalunya

والي تشوف تقيمه كويس خذه مع مراعاه النظر في تعليقات النزلاء

Olivia Plaza Hotel

Hotel 1898

يعطيك العافية اخوي تشتاق ..

فنادق كثير حاولت احجز فيها
منها الفنادق الي ذكرتها لكن نفذت ؟؟
مع ان الوقت يعتبر نوعا ما ميت

اتوقع مشكلتك ان وقتك في مؤتمر او ماشابه

لان برشلونه معروف بالمؤتمرات العالميه مثل الاجهزه وووو


حاول لو تحجز من نفس مواقع الفنادق نفسها حتى لو غاليه شوي

حاول الاسراع في الحجز عشان ماتتوهق في سكن لك عليه في شهر عسل

واكتب تاريخ الي بتسافر فيه يمكن نساعدك بشوي فنادق

بيض الله وجهك حبيبي تشتاق
ابغى حجز من يوم الخميس 27 فبراير الى يوم الاثنين 3 مارس
الميزانية حدود 900 ريال لليلة واذا اقل في شي ممتاز ليه لا

اخوي تشتاق ايش رايك في الفندق هذا وكيف بالنسبة لموقعه ؟؟ وكم يبعد عن الرامبلا وساحة كتلونيا
Pullman Barcelona Skipper

موقعه ممتاز على البحرر وجنبك مطاعم كثيرره ودايم الفنادق البعيده عن السنتر تكون انظف وارقى

يبعد عن بدايه شارع رامبلا كيلوين بضبط تقريبا مشي ٢٥ دقيقه ولاحظ انك بتمشي والبحر على يسارك ثم يكون مول يسارك وتمشي شوي تلقا رامبلا على يمين . << ممكن يكون المشي ممتع وممكن يكون متعب عليكم .


ووممكن من الترام الي لونه اخضر تركب محطه Ciutadella|Vila Olímpica ثاني محطه توصل اسم المحطه Marin بعدها تركب مترو تحت الارض بنفس الاسم لون الخط احمر الى محطه كاتلونيا Catalunya


وبكذا تكون في ساحة الكاتلونيه وفي بدايه شارع رامبلا


واذا لقيت في فندق
Eurostars Grand Marina Hotel GL



بيكون افضل بكثيررررررررررر لانه على البحر وشارع رامبلا قطع شارع

الفندق مافيه امكانية حجز لا من بوكينغ ولا موقعه الرسمي بحاول اشوف فنادق في نفس المكان

لقيت خمس نجوم في رامبلا الا فندق واحد Hotel Bagués
ولقيت ثاني في رامبلا بس داخل في سكه صغيره Le Méridien Barcelonaوكذالك Hotel DO Plaça Reial G.L



بس يبي لك ترفع شوي الميزانيه




نصيحه احجز فيه ويكون الغاء الحجز مجاني وكل فتره شيك على الفنادق يمكن احد يكنسل حجزه وتطلع لك غرف .


ثاني شي فتحت موقع الرسمي للفندق

Hotel 1898
ولقيت عندهم حجزز ب6الا ف وشي

تعبتك معاي اخوي تشتاق .. الله يسعدك

انا تقريبا مقتنع ومرتاح لـ
Pullman Barcelona Skipper

وبحثت عنه وباين انه ممتاز ..


ايش رايك فيه ..؟ وممكن انك تحجز فيه ولا ستبعده نهائي ؟