هونج كونج

HONG KONG








كثُرت التقارير في الآونة الأخيرة عن هونج كونج ...عشان كذا قلت بنزل تقريري الصغير في جزء واحد واختصر السالفة وبحاول أضع المفيد وما أشتتكم بصور كثيرة لأنها تقريباً كلها نفس صور أخوي القدير أبو اليازية..>>> عجّازه :yes: والله يُثيب كل من ساعدني بمعلومة – ولو صغيرة – عن هونج كونج...


هونج كونج جات بعد زيارتنا للصين وتحديداً بعد ماجلسنا اسبوع في ( جوانزو ) .........وهذا رابط رحلتنا إلى الصين :


الصين تجربة مثيرة ترويها لكم سحابه


حجزنا من فندقنا على قطار KCR وتحديداً أحدث قطار وهو KTT على هونج كونج ( يُفضل الحجز قبل بيومين أو ثلاثة )

السعر : 104 دولار كونج كونجي للصغير - 209 دولار هونج كونجي للكبير
دفعنا باليوان طبعاً وكان أقل يعني بحدود 190 يوان للكبير .. و 95 للصغير

+ 30 يوان خدمة عن كل تذكرة

(( أول ماقال لنا موظف القطار عن سعر التذكرة كانت غالية واستغربنا اللي نعرفه انها أرخص ! قال ايه هذي درجة أولى فيه أقل ..قلنا نبي الأقل ))

مهم جدا :



ذهبنا إلى محطة القطار وكانت نظيفة ومرتبة بس ماشفنا فيها عربيات لحمل الشناط ودخنا على بال ماصعدنا فوق ..لما جينا نشحن الشنط طلعوا ياخذون على كل شنطة سعر معين على حسب الكيلو وهذا جدول يوضح الأسعار





( صراحة تفاجئنا ما كان عندي خبر حتى لما دخلت على موقعهم ماشفت شيء يشير إلى هالأمر ..والمشكلة ما كان عندنا يوان كافي ! )


كانت أخلاق الموظفة سيئة جداً



ركبنا القطار ووزعوا علينا مويه ..وكان جداً نظيف وراقي ووزعوا علينا أوراق نعبيهم لدخول هونج كونج..... ومرت ساعتين تقريباً بسرعة ( طبعاً بدون توقف )





نزلنا وصفينا طابور في خط الزوار visitor وختموا جوازاتنا ببطء نوعاً ما ,,, وعطانا نسخة من الأوراق اللي عبيناها وقال خلوها مع جوازاتكم لايكون تضيع بتحتاجونها عند مغادرة هونج كونج ( مهمة هالنقطة * )








الفندق



Eaton Hotel Hong Kong






أربع نجوم في كولوون..جوردان ..وتحديداً ناثان روود .أفتتح عام 1990.وهذي المعلومات التفصيلية :


العنوان: 380 Nathan Road, Kowloon, Hong Kong
تلفون (852) 2782 1818



صورته من الخارج






الشارع المقابل له













موقعه الرسمي




http://hongkong.eatonhotels.com/




صورة غرفتنا









الحجز كان عن طريق : آسيا رومز




www.asiarooms.com


غرفة ديلوكس : الليلة بــ 99 دولار أمريكي ما يعادل ( بدون فطور )

مميزات الفندق :

نظيف جداً جداً
راقي وناسه راقين وأغلبهم أجانب وماشفنا خلال 6 أيام ولا عائلة خليجية !!!
الموظفين ودودين وخدومين وأمناء جداً


ليه أمناء ؟؟


لأننا حجزنا من عندهم على باص يودينا للمطار الشخص بـ 130 دولار ..المهم مجموعنا 455 دولار هونج كونجي وخصموا من الماستر كارد ..اليوم الثاني كلمنا واحد من الريسبشن وقال بنخلي المجموع 390 دولار لأن بنتكم صغيرة ...باقي المبلغ بنرجعه في البطاقة وبالفعل رجعوه ...هم أصلاً كانوا مسوين خصم لبنتي يعني كان ممكن ماندري بس عجبوني صراحة .


موقعه خطييير في قلب شارع ناثان روود ..يمين يسار أسواق وقدامة ماكدونالدز 24 ساعة كاني مو غلطانه ..ومحل بل محلات مساج ..وصرافين عملة ( وهذي ميزة خطيرة في هونج كونج مو مثل الصين لازم نروح البنك عشان نصرف )يبعد 5 دقائق مشي عن الأسواق الليلية Temple Street و the Jade Market ..و 45 دقيقة عن المطار..وجمبه محطة المترو جوردان ..وسوبرماركت صغير ..وجمبه على طووووول فندق بعد شكله حلو وهو Nathan Hotel .


تقييمي له : 8 من 10


درجة راحت لأن الغرفة صغيرة ( بس سمعت إن هذا حال فنادق هونج كونج )
درجة راحت لأن الانترنت مو فري .... استخدام الانترنت اليوم بـ 120 دولار هونج كونجي .




مواقف في الفندق :


(( وحنا في المصعد حرمة أمريكية قالت لولدي : سلامو أليكوم ..كيف هالك ؟؟...طيب الهمد لله >>> قالتهم ورا بعض ههههههه طلعت مشتغله في الرياض ))

(( وأنا رايحة الغرفة قابلني أجنبي ..وتقولون شايف شبح !! ..ارتاع ووقف على جمب لاصق في الجدار ..والله أنا اللي ارتعت من شكله وش كبره يمكن 50 ويخاف مني مع وجهه ))



******************



العملة :

دولار هونج كونج
يعادل 0,5 ريال سعودي

الدولار الأمريكي = 7,8 دولار هونج كونجي


موقع تحويل العملات

http://www.oanda.com/convert/classic



*****************


المواصلات التي استخدمناها:


التاكسي للأماكن القريبة
المترو للأماكن البعيدة ( رووووعه ) خريطة المترو:



اضغط هنـــا

الباصات
الفيري



***************



الأماكن التي تمت زيارتها وتقييمي لها :



1



The peak


المطل



تقييمي
10 من 10



موقعه:

http://www.thepeak.com.hk/full/en/index.php



http://www.hk-victoria-peak.com/



صعدنا إلى الأعلى بواسطة الترام الممتع :






وفيه زرنا أيضاً:

2


متحف مدام توزو


موقعه :

http://www.madame-tussauds.com.hk/




3


Disney Land Hong Kong















الواقعة في جزيرة Lantau

<<<<أموووووت على شخصيات ديزني من وانا صغيرة مهوووسه بشغلات القرطاسية حقات ديزني :w00t2:


الموقع الرسمي:

http://park.hongkongdisneyland.com/h...?name=HomePage




تقييمي :

10 من 10






أعجبتني انها مو كبيرة كثير وزحمتها لا تقارن بزحمة ديزني فرنسا ..عشان كذا الواحد يقدر يلعب ويوسع صدره .
رحنا لها بالمترو ..روووعة صراحة وأرخص من التاكسي وهذا آخر محطة توصل لديزني :






4


Stanley Market


في جزيرة ستانلي ..حلو وبضائعه جميلة .

أيضاً رحنا له بالمترو بعدين بالباص .



تقييمي :

10 من 10


وهنا في الباص صار لي موقف :

(( نزلنا من المترو في محطة Admiralty ورحنا للباص ..وكان دورين صعدنا فوق ..جلس زوجي والعيال قدام وأنا وراهم بكم كرسي المهم جسلت وماشقت من جالس وراي ..سكوت سكوت ..إلا وتبدى السوالف بين رجال وحرمة وراي ..المهم جالس يتعرف عليها وحركات ..وقال لها وين تشتغلين ؟ خربطت المهم اللي فهمته إنها في محل قمار – والعياذ بالله – وانها مو مرتاحة وجلست تتكلم عن نفسيتها لأنها ماتحب هالعمل وموب راضية عن حالها ووووو قال لها : أجل انتي في إجازة اليوم للترفيه عن نفسك ؟ ..قالت : إيه ...قال: شرايك تقضين اليوم معي؟؟ >>> ههههاااااااااي كيف الحال ؟؟

إلا ...حرمة جمب ولدي نزلت ..قال زوجي تعالي ...قلت يااااااااااربي أبي أكمل باقي السالفة .
:109:

قامت : ضحكت ..ضحكة اللي ودها وتسوى روحها :wink_5: ...واستأنفوا سوالفهم :kicking:

طبعاً ..أنا جالسه أسمعهم وماشفت أشكالهم ..ولأن الأصوات تخدع بعض الأحيان فأنا تخيلتهم صغار في السن ...أول ما وقفت والتفت عليهم أثاريه رجال أجنبي عمره يمكن 45 والحرمة صينية شكلها أمه ..بس ممكن أعطيها 49 :shocking:




صور من سوق ستانلي ..منقولين :















5



China Hong Kong city مجمع تجاري


6


Harbour City مجمع حلووو 700 محل

http://www.harbourcity.com.hk/



7


Pacfic palace ماركات عالمية



http://www.pacificplace.com.hk/shopp...all_index.html



ومتصل بفندق الماريوت فخم جداً ..دخلنا الله يعزكم دورات المياه وكانت نظافتها والله خطييييرة والرائحة شي شي مو طبيعي في حياتي ماشفت دورات مياه بهالشكل ..:w00t2:

http://www.jwmarriotthk.com/


http://www.marriott.com/hotels/trave...tel-hong-kong/

((هالمجمعات كلهم وكثير غيرهم على شارع الماركات العالمية Canton Road ))

ما أصدق وضع البلد ياجماعة !! ديرة صغيرة شفت فيها 3 بوتيكات شانيل * هذا اللي شفتهم بس أكيد وأجزم انه فيه غيرهم وجميع وجملة الماركات اللي تطري واللي ماتطري على بالكم ))



8



Ocean Park








:ranting:



حديقة المحيط

التذاكر : كبير 185 دولار صغير 93 * خسارة فيها :furious:



تقييمي :

- 3 من 100 :657:

ماعجبتنا أبداً ...الجو كان جهنم – الله يجيرنا منها – :456ty: والحديقة متعبة جداً مبنية على جبل وكله نصعد بالسلم الكهربائي الطووووووويل جداً تخيلوا ...خلصت أذكار المساء وأنا على السلم والله بدون مبالغة .. وزحمة مو طبيعية ...سميت ذاك اليوم ( اليوم البني ) تفائلاً بدل ما أقول ( اليوم الأسود ) ..ولأني أحس اللون البني لون ( يصك القلب ) :mh1568:

العيال قالوا خلاااااااااص نبغى نرجع الفندق .. :456ty:


(( طبعاً أكيد هذي وجهة نظر شخصية وممكن تروحون لها وتعجبكم ))




موقعها:





9


Ladies market

سوق الحريم .. بسطات شعبية




10


Temple Street



11


الجامع الإسلامي في كولوون



****************



مواقع أفادتني كثيراااااااً


موقع مفيد جدا وتقدر تخططون رحلتكم من خلال الضغط على Plan your trip *خطط رحلتك

http://www.discoverhongkong.com/eng/index.jsp



نفس الموقع السابق بس هنا الأماكن السياحية




http://www.discoverhongkong.com/eng/...on/index.jhtml




موقع خطير

http://www.smarttravelasia.com/hkshop.htm




المواصلات إلى المطار :


تاكسي ( ماكان يناسبنا لأن أغراضنا كثيرة ) + انه غالي بــ 300 دولار هونج كونجي
المترو ( رخيص وروعه بس مع الأغراض صعب بل مستحيل )
الأنسب لنا كان باص نحجزه قبل يوم أو يومين من الفندق فخم وحلو ومريح

Take City Bus A21 to Nathan Hotel, the hotel is next to Nathan Hotel




موقع سيتي باص :

http://www.citybus.com.hk/eng/main.asp

مطار هونج كونج راااائع ..وكبير بشكل خيالي ...


*************************


وهنا أحد الأخوة الكرام سبق و سألني إذا كانت هونج كونج تستحق الزيارة أم لا وكان هذا ردي :

اقتباس:

معليش ببدا بسؤالك ,, هونج كونج تستاهل او لا ؟

صراحة السؤال صعب ...من جد والله ...يعني شوف أخوي الإجابة تختلف جذرياً من شخص إلى آخر ...

وأهم العوامل اللي تؤثر في نظرة الشخص للبلد ..

1- سفراته السابقه
2-المواقف اللي تعرض لها في البلد سواء زينه أو شينه
3-النفسية
4-أحس فيه بعد أشياء كثيرة ممكن تؤثر على نظرة الانسان


طيب ...بكلمك عن نظرتي ...

كان من الممكن انها تعجبني لو انها كانت محطتنا الأولى ...

بس الحقيقة ...إنها كانت محطتنا الأخيرة ...فمن بعد رخص الصين ...إلى غلاء هونج كونج ...
ومن بعد طيبة أهل الصين وبساطتهم إلى غلاظة شعب هونج كونج ...

في الأسواق الليلية ...أصحاب البسطات على استعداد تام للهواش ...والحقارة اللي فيهم أنهم ذليلين جداً للأوروبيين....أما مع المسلمين قمة الدنائة ...لا حظت تعاملهم حتى مع أطفالنا وأطفال الأجانب ...

أطفال الأجانب والله شر...وعادي يلاطفونهم وحركات ...
وأنا عيالي مايسوون شي ...ويؤشرون لهم لا تلمسون شي

أغلب أصحاب التاكسي اللي قابلناهم أخلاقهم سيئة ...يعني ودهم يتهاوشون معنا
أكيد هذا راح يؤثر فينا ...

وأكيد لو راح أحد وماصادفته هالمواقف ...بتعجبه البلد ...ربما !!


البلد كلها ماركات في ماركات ...وترتيب البلد انه جاء في نهاية المطاف خلاني ما أستمتع بالتسوق ...
لأن الماركات مرت علي في شنقهاي وخذنا حاجتنا منها ..والواقع انا مو جاية عشان أشتري 5 شنط ماركة ومحافظ ووووووو

لك أن تتخيل على صغر البلد شفت 4 بوتيكات شانيل
و 3 لوي فويتون .
و 3 برادا
و 2 بربري

عاد بربري ولوي فويتون كأنهم بو ريالين والله العظيم بدون مبالغة


و........


D&G Dolce & Gabbana

Dior

Fendi

Just Cavalli

Marc by Marc Jacobs

Nina Ricci

Roberto Cavalli

Tod's

Versace


هذا اللي أذكرهم ...غير اللي ما أذكرهم ..ومن كل ماركة أكثر من بوتيك مع إن الديرة صغيرة جداً..

+ إن الأسواق الشعبية أسعارها أغلى الضعف وزيادة عن الصين الأم ...هذا وهي مو متنوعة بعد .


بس أخوي أنا مو من النوع اللي يتحسف على شي ما عجبه ...يكفي اني شفتها وحكمت عليها بنفسي..
ووالله كانت في خاطري من زمان أحس اسمها حلو

ويكفي ان حنا انبسطنا في ديزني لاند

.........

لكن أعيد لها السفرة....مستحيل
مرة في العمر وخلاص وحنا سالمين .

........

بأمانة :

البلد نظيف - جميل - مرتب - كل شي بالإنجليزي مكتوب - ماتضيع - اللوحات الإرشادية في كل مكان-
يكفيها 4 - 5 أيام.

.......


عشان كذا ...أحب أقولك أخوي الكريم كلامي لا تخليه يثنيك عن زيارتها إذا كانت في خاطرك بالعكس رحلها
ويمكن تعجبك وتعطيها 10 من 10


*****************








والآن بقولكم وش قال كابتن الطائرة في طريق العودة إلى دبي ( إذا تذكرون )


قال ..

" الله أكبر ، الله أكبر ، سبحان الذي سخرلنا هذا وما كنا له مقرنين وإنا إلى ربنا لمنقلبون .اللهم إنا نسألك في سفرنا هذا البر والتقوى ، ومن العمل ما ترضى ، اللهم هون علينا سفرنا هذا وطوي عنا بعده ،اللهم أنت الصاحب في السفر ، والخليفة في الأهل ،اللهم اني أعوذبك من وعثاء السفر ،وكابة المنظر وسوء المنقلب في المال والاهل "


صدق الله العظيم




ههههههههههههههههه تخيلوا ...قاري آيه الأخ :shutup3::yaaahoooooooh:



وآخر شي كنت واعدتكم أقولكم عنه ...


..تذكرون بداية الرحلة للصين يوم وصلنا مطار البحرين وبنشرت السيارة :g:
خلاص وقفناها في المواقف ..ويوم رجعنا لقينا مكتوب على الشباك :


فليتها ؟ ! اتعب شوي


فليتها = وسعت صدرك ؟؟


:LolLolLolLol::LolLolLolLol::L olLolLolLol:


::poster_kewlpics::poster_kewl pics:


والله انه فاضي :D



وسلاااااااامتكم .

فرحت جدا برؤية الموضوع ،،، لي عودة تفصيلية ،،، خاصة أني زرت هذه الجزيرة من قبل ،، ولي موضوع لم أنهه في البوابة نفسها

بارك الله فيك

ما شاء الله تبارك الله

بيض الله وجهك

استمتعنا معاكم بالرحلة وكنا في غاية السعادة ونحن نتابع احداث الرحلة .

الله يحفظكم في حلكم وترحالكم .

الله يعطيك العافية أختي سحابه على التقرير المميز والجميل عن هونج كونج ...

من جد مرجع جميل لقاصدي السفر إلى هونج كونج ..

بإنتظارك في تقارير جديدهـ

صدقيني إذا كان فيه أحد يبي ينقل المنتدى بخطوات متسارعه الى منتدى

متخصص بعالم السياحه والسفر فهو أنتي ولاقصورا بالباقين .


حقيقه أنتي إنسانه رقيقة مشاعر هذا ماتقوله تقاريرك وبهذا التقرير كانت

المقدمه تقول انه تقرير صغير وإنك تبين تختصرين السالفه المفاجئه إن كان الموضوع

ضخم ويعتبر مرجع لهونج كونج.

مدري شقول غير الله يحفظلك زوجك وأولادك ويرزقك برهم .

وهاذي التقارير وإلا فلا.

سحابه انهالت على منتدانا امطارخير وذلك بتقاريرك التي استمتعنا بها كثيرا وكل تقرير

أحلى من الثاني نسأل الله ان يوفقك ويسعدك...

بصراحه من اروع التقارير اللي مرت علي..مختصر وغني بالمعلومات المفيده جداااا
بارك الله فيك اختي سحابه

تحياتي لك...

موضوع مختصر لكنه شامل


بارك الله فيكم و الحمد لله على السلامة

اختي الفاضلة سحابه

ما شاء الله تبارك الله تقرير مختصر مفيد انا اوافقك الراي 90%