إضافة رد
13 / 11 / 2013, 43 : 06 AM
رقم المشاركة :  41 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

وين رحنا ......رحنا شارع الشباب










الصغار راحو بعضهم ناندوز ....مو بناتي لا هههه

والباقي ب؟؟؟ نسيت اسمه المهم هو للبرغر


واحنا الكبار نلعب على الكبير

واصفهاني






والصراحة زعلت عليهم ضيافة شوربة العدس

كانت ناس وناس ......مع انا كنا على نفس الطاولة هههههههه

حسين والوالدة






وهذه طلباتنا

انا واختي مقبلات بسس مانبي شي

خبز ايراني وحمص باللحمة







ورق عنب

ما عجبنا كأنه معلب






حمص باللحمة كان اووكي





الخبزة






ميرزا قاسمي لذيذ لأنه بيديان










وطبقنا الرئيسي

عرايس





عصير حسين





طبق حسين











والحين مع طبق الوالدة والنسيب












وحمادة والسياكل

وسيارات السباق غرامه






وأحلى استكانة شاي بالنعنع





قند مالي ايران









وهذه الفاتورة




رحنا سوبر ماركت

اوجمعية جواد .....بس ما ادري شنو شرينا منها هههههه

يمكن بس ماي






بعدين شايفين بنفس شارع الفندق محل كب كيك

ما صورت من بره لان قلنا بنروح له انا وخواتي بدون عيال

يوم ثاني .......بس ما رحنا

ولما رحت هالمرة انا وعيالي بس

لقيناه بيسسكر وقال بس تشترون مافي قعدة لان الساعة 11 يسكر

وباقي 20 دقيقة

نزلنا وصورنا هالصور الحلوة























شرينا بس اربع حبات

لان لا تنسون بنجي مرة ثانية وما صارت


مالتي انا وغنيمة




والحين خلصنا الجزء الخاص باليوم الثاني

واعذرونا على الصور الغير واضحة

والجاي احسن ان شاءالله
تابعووووني

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


13 / 11 / 2013, 27 : 03 PM
رقم المشاركة :  42 
علي السعد
{ مـؤسـس }



الملف الشخصي
تاريخ التسجيل : 23 / 06 / 2007
رقم العضوية : 5
الإقامة : أبوظبي - حرسها الله
المشاركات : 18,761
التقارير : 48
الجنس : ذكر
الحالة : abu_elyazia غير متواجد حالياً
رد: **.. الحب الأبدي..**

البحرين ،، وما أدراكم ما البحرين ،، داري وبلا دي الي أحبها

تقرير دسم بالمأكولات الحلوة ، وإضافة رائعة للزاد

تسلمين يا أم حسين ،، ونتابع معاكم
زاد المسافر ،،، زاد كل مسافر


زاد المسافر ، حيث نلتقي على محبة ، وآخاء ومودة ، حيث لا تجمعنا مصلحة دنيوية ، نكتب ، نستمتع ، نتعارف في جدود الأدب والأخلاق ، نفتخر بوجود أمثالكم بيننا ، فنحن منتدى النخبة ، ومن يسجل معنا ، ويشارك ويساعد ، هو من النخبة بلا شك


زاد النخبة



بعض المواضيع الجديدة



14 / 11 / 2013, 09 : 05 AM
رقم المشاركة :  43 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

اقتباس: المشاركة الأصلية كتبت بواسطة abu_elyazia
البحرين ،، وما أدراكم ما البحرين ،، داري وبلا دي الي أحبها

تقرير دسم بالمأكولات الحلوة ، وإضافة رائعة للزاد

تسلمين يا أم حسين ،، ونتابع معاكم


الله يسلمك يابو يوسف
احلى شي الأكل ههههههه


ما مدانا اصور اشياء لان رحنا الاماكن اللي
سبق ان كتبت عنها
وتابعنا هناك في اشياء جديدة
بحلاوة فيلا ماماز
وشاكرة مرورك العطر

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


17 / 11 / 2013, 40 : 12 AM
رقم المشاركة :  44 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

السلام عليكم

اليوم اول يوم عيد الأضحى المبارك





تهنئة متاخرة
عذرونا

في هاليوم قعدنا وتريقنا مثل كل يوم مع الأهل كلهم

وبعدها راحوا خواتي يجهزون بناتهم بالصالون يسوون شعورهم

قعدووا عليهم وايد وكله بس استشوار

بس عاملة واحدة تشتغل واخرنهم كلهم بنتين

احنا جهزنا وقلنا بنتمشى اذا خلصتووا بنرجع لكم

ورحنا شارع المعارض وعلى البحر مالقيت الحية بية يمكن لأن اول يوم العيد

ساعة شارع المعارض





بعدها رجعنا لقيناهم جاهزين ورحنا معاهم السيتي سنتر

والوالدة ما قدرت قالت ودوني المستشفى

وودوها المستشفى الامريكي

والحمدلله بعد ما تطمنا عليها قالت برجع الفندق وطلبوا لها الغدا بالفندق

اما احنا نزلنا السوق بس انا وخواتي والعيال

وقعدنا نتمشى ونتشرى ما نخلص ههههه

دخلنا محل فيراري

وصورو اليهال عند السيارة




هني شفت ولد واخته يطالعون بالسيارة

قلت له ها اشرايك بسيارتي
قال لي انا سعودي
قلت له اهلا فيك وانا كويتيه

بس قول لي عجبتك سيارتي هههههه
قعد يطالع فيني
قلت له الحين بيعطوني مفتاحها وبيفتحون لي الزجاج مال المحل وبطلع افحط فيها
بالمجمع هههههههههههه

قال لي حتى احنا نقول نفحط خخخخخخ
ما يدري متعلمة الكلمة من المنتدى

احنا نقول نقحص ههههه
مسكين قال هذه وينها ووين هالسيارة خل اروح عنها ههههههه
راح واحنا كملنا المشي بعد ما شرينا حق حمادة





ملبوس العافية حمد


وبعدين قررنا نتغدى بفرايديز ملينا العيوش

وطلباتنا المعتادة

ما صورتها كلها

اختي تقول زحمة يمكن اغير المطعم وهذا اهي رايحة قبلنا

والا بعدين تقول لا طلعت الزحمة للسينما





طلبي انا وبناتي

من 1




2 من





مع الشبس اللي بالجبنة نسيت اسمه



بعد الغدا دخلنا البنات والعيال السينما لفيلم الكرتون واايد عجبهم

وهني حجزنا لهم واحنا بفرايديز على ما يوصل الطلب هم راحوا وحجزو


واحنا قعدنا نتمشى ولازم كاافيه

للراحة


رحنا هذا الكافيه









عرفتووه ؟؟


هذا كافيه






التابع لفندق كمبنسكي


بعض من المنيوو


















طلبنا العصاير والقهوة

والحلى قالت لنا تفضلوو نقواا اللي تبوون

وانا ما صدقت للتصوير لكم


































هذا اختياري






وهذه طاولتنا رجعنا لها


ومزهريتنا هههههه





طلب اختي














وهذه مجموعة بسكويتات مع الكابتشينوو






وصل عصيري
شراب الفيتامين تدروون يعني الجسم يحتاج للفيتامين ههههههه






وهذه الطاولة ككل

خواتي وحدة كبتشينوو ووحدة نسيت بس اعتقد هوت شوكليت





هذه اهداء لمحاربي البيبسي





كيكة اختي










وهذه الطاولة فضت حبيت اصور ديكور المطعم بس زحمة وظلمة وهونت















بعد ما خلصنا رحنا للعيال لقيناهم

مثل ما قلنا لهم يقعدون بالكافيه المقابل للسينما

اخذناهم ورحنا الفندق بعد ما تشرينا بعد صواني فيها طوس لحلوى وسمبوسك

حلوى قلت له توديهم الفندق لانهم ثقال وشرينا كذا صينيه

قال اوكي عطوني اسم الفندق والغرفه علشان ارسلهم

وعطيناه والا زوج اختي كثر الله خيره يالنا وشال الاغراض كلها ووداها السيارة

انا ما قلت لكم ان حسين والنسايب ما راحوو معانا للغدا بالسيتي سنتر

بس راحووا محمد نور وتغدوا هناك

وارجعواا لنا علشان نروح نريح في الفندق ونصلي

وتواعدنا على العشا في

في.......يلا نتبع ابن بطوطة ونروح وين

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


17 / 11 / 2013, 42 : 12 AM
رقم المشاركة :  45 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**


في.......يلا نتبع ابن بطوطة ونروح وين







الصور ما ضبطت لاني ادلي حسين وين يروح

وحنننه ما يخليني اصور هههههههه


عيد والناس مستانسة









وعصبت على حسين حاط القارمن وكل شوي ترد الكلام قلت له حسين انا ادليك بس
دوختنا هذه

قال احسن علشان ما نضيع انتي ما تدلين

قلت له الحين مو اهي قاعدة تقول نفس كلامي

خلاص مابي اكلمك

روح على كلام صاحبتك هههههههههههه

بس بعد شوي سكره وقام يسمع كلامي

ووصلنا ووين

جزر امواج ....زحمة على المواقف وواقفين على الرصيف السيارات

ولا اللي يوقف بعيد وينزل

حاولنا ننزل عند المنتصف اعتقد في تأجير قواري

بس ما حصلنا مكان
ردينا جهة المواقف اللي بسطرة

نادي الشاي

والمواقف فل تحت صعدنا فوق واااااااااااااو اماكن فاضيه للمواقف ليش الناس ما
توقف هني مافي الا سيارة سيارتين وينهم
المهم سيارة اختي وقفوا عند نادي الشاي ونزلووا
واحنا قلنا هني بعيد عنهم وطلعنا من المواقف العلوية ورحنا جهة مواقف
نادي الشاي ....والا ذاك الموقف اللي عند باب نادي الشاي الخلفي
والحمدلله نزلنا ولقينا ربعنا ماخذين حجز

وقلنا داخل لان بره رطووبه

وطبعاا العيال ماخلوو التمشية برة واللعب

وصل دورنا بسرعة





وشوفوا الزحمة










وهذا بابنا










عصير الوالدة





عشا الوالدة






من بعض الطلبات على الطاولة

للشلة






























يقبرني هالحرف s


















وأخيراا وصل طلبي هههههههه

اشكبرهااااااااا

شياكلهااااااااا

والله بالشوكة والسكين ونصها ظل











وهذا الشاي لازم نذوقهم اياه في نادي الشاي






بالنعناع





وختمناها ببريد ..ام علي..






ورجعنا فندقنا












نتابع معاكم

باخر يومين بالجزء القادم

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


19 / 11 / 2013, 59 : 06 AM
رقم المشاركة :  46 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

السلام عليكم

اليوم بنتكلم عن ثاني يوم العيد

قعدنا كالعادة من النوم

ونزلنا نتريق















وقررنا انا وخواتي وغنومة وياسمينة

اكيد اهل الانستغرام يعرفون ياسمينة الحلووة

نروح مودا مول

سوق الماركات اللي عند الشيراتون

وباقي العيال بيسبحون بالحوض

خليناهم ورحنا


مودا مول






















شرينا من كنزوو

حق غنيمة

بلوفر شتوي




وانا شريت هدية حق بنتي الحاجة

بقمة (سلسال ) واسوار يد

اللي شاف اخر تقرير لي يشوف انها كانت شارية الخاتم منهم

وانا كملت لها الطقم هالمرة




وقعدنا بكافيه

نشرب عصير وكابتشينووو




اعلان في المول








واحنا قاعدين يت لنا بنت شابه سعودية

تسالنا عن اماكن في البحرين

تفكر اننا بحرينيات وعلمناها وتعرفنا عليها

وقلنا انا احنا من الكويت......سولفنا معاها حبوووووووبه البنت دخلت قلبنا

وبعدها ودعتنا وراحت مع صديقاتها

واحنا رجعنا الفندق وصلينا وجمعنا الربع ورحنا السيتي سنتر

وقعدنا هالمرة عند المطاعم اللي في جهة ماجيك بلانت

المكان زحمة وغصب حصلنا طاولتين وكل واحد راح شرى طلبه

وتغدينا ورحنا بعدها للسوق واللي يكون فيه محلات العطور العربية

وهات مشترى من البخور والعود والخلطات العجيبة

انا اخذت هدايا من اصغر علي

واخذت خلطة وجود من جنيد

بس لان كبت الكلونيات الجديدة الي عندي مليان

بعدها انتظرنا العيال اللي نامووو في فيرجن

في كافتريا جلوريا ومافي اماكن بس اانا تعبت شفت اسيوي واسيوية شابكين

لابتوب وايباد وايفون وماخذين مكان عائلي وقمت قعدت يمهم

على الكنب وحطينا كرسي الوالدة وكملنا كرسيين

وقعدنا .......وتجمعوا العيال والاسيوين للحين قاعدين هههههههه

بعدها رحنا المحرق لشراء الحلوى

وانا من الزحمة في السوق وكذلك في محلات الحلوى ما صورت

مالي خلق من تعب المرض والمشي

يعني ماني مروقة هههههه

صورت بعد ما رجعنا من المحرق










بعد ما نزلت الوالدة الفندق

تعبناها من الظهر طالعة معانا

قررنا نروح نتعشى ......ويلا يام حسون ودينا

قلت حسين البديع

وعلى الوصف والقارمن صديقة حسين

وصلنا الشلرع وهو قريب من السيف

شفنا زحمة وبعدين مشى الشارع بسرعة

ووصلنا لمجموعة مطاعم منها
مطعم البيروتي
ومطعم اعتقد هندي وبورغر
ومطعمنا
غوستو ايطالي





المنيووو









للتوصيل
البديع...الرفاع




اوقات العمل




المنيو وصور رووعه





















شيف البيتزا

من اب ايطالي وام عربية





وردتنا.....قصدي ورقتنا





لوحة معلقة على الجدار
لوح ومكتوب عليه بالطباشير .....ذكرني باللذي مضى





بيتزا الشيف
















انتهت البيتزا








بيتزا ثانية








تجهيز الفرن






ومتابعة من عيال اختي ربي يحفظهم










وصل عصير البرتقال.....لا تحسبونه لي هههههه

بس شربت عصاير وايد





انا هذا لي





وهذا اهداء من اختي لي





وصلت البيتزا بالخضروات
واهمها البيديان








بيتزا بالمشروم اعتقد بعد دجاج





بيتزا جبنه ودجاج




سباجتي





شكلها احلى مع الكولا






سلطة افوكادو وشوربة دجاج كريمه




ريفولي




باستا حمرا






باستا بيضا






هذا مادري شنو طالبته اختي





اسكالوب




واخيرااا طلبي

دايما انا الاخيرة ليش ما دري





باذنجان باللحم المفروم والجبة والصلصة
وااااااااو لذيذ
غووووص




وهذا طلب بنتي






وهني اليهال لانهم متعودين بالكويت يعملون بيتزتهم

في بيتزا اكسبرس....يبون يراوون الشيف اشلون يعجنون العجينه





وخلصنا نسيت اصور الفاتورة
حسابي شي وعشرين


وهذه المطاعم من الخارج





عندنا حسين ما يحب الاكل الايطالي

فراح هذا المطعم القريب من الفندق وهو يقدم المشويات

والسندويشات








اخذناا عشا حسين وسيدااااا للفراش خلاص

النوم سلطان

وباقي حلقة اخر يوم

والعودة

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


19 / 11 / 2013, 00 : 07 AM
رقم المشاركة :  47 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

هلا بالغاليين
هلا بكل المتابعين

اخر يوم لنا وهو ثالث يوم العيد

صحينا كالعادة
وتريقنا

قلنا قبل التشيك اوت وعلى
ما يجهزون العيال

بنروح انا وخواتي محل يبيع احلى قرص عقيلي ملبس بالشكولاته

وهذا من سنين اشتري منه

وخواتي يحبونه ورحنا له بس انا وخواتي لانه قريب

اخذنا السيارة ورحنا لمواقف سوق العالي من جهة السيف
يعني بين السيف والعالي عند ليلى والبنديرة

دخلنا الممر اللي بين العالي والسيف

وهو هني المحل موجود تعالوا شوفو

الممر وتلاحظون مقهى البنديرة له جلسات داخلية بعد




محلات عطور عربية

اصغر علي




وجنيد










وصتنا الوالدة على عطور ناقصتها هدايا شرينا لها

من جنيد





مو هذا بس اصور جذيه




يميز المكان الديكورات الخشبية القديمة






يا حلوو الجندل والبنكات معلقة فيه
ايام الطفوله






وهذه قطعة القماش للتهوية والتبريد قديما
تكون مقابلة لفتحة البادكير ويحركونها بالحبل
علشان تبرد على الجالسين او النائمين ......امي تقول انها كانت طفلة ويخلونها الكبار تحركها
علشان هم ينامون بعد عناء العمل ظهرا
تقول امي بس نشوفهم ينامون ننحاش ونروح نلعب
تقول يصحون من الحر وينادونا علشان نهفي عليهم
طبعا هذه قبل الكهربا والمرواح





وصلنا محلنا
بايستش؟؟ اللفظ صح او خطا مادري




















دخلنا المحل طلبنا 4 كيلوات

قال مافي ولا حبة

بعد الساعة 12 نوفر لكم

طلبنا منه انه يجهزهم ونمره بعدين

وهذا داخل المحل









شغلهم كله حلو ومرتب


هذا جيرانهم مسكرين ههههه


هذا لي قالو لكم باب العمارة

يعني باب المحل





وجيرانهم بعد

حسين شويطر وماله داعي المستعجل انه يروح المحرق او المصانع

توه واصل عنده حلوى حارة





وهذا البتيل








انتهينا من هني

خواتي راحو يتمشون بالعالي مرور الكرام

وانا قعدت اصور لكم اغلب الصور السابقة

والمهم هذا شكل القرص العقيلي بعد ما وصل لي

مع الخوات لاني انا مشيت للرجعة قبلهم





وأحلى طعم مع رشفة





وهذه حلويات
بويوسف من كشك السيتي سنتر





نرجع للتقرير

رجعنا الفندق شيكت على اغراضي وعلى العيال

لقيتهم جاهزين وطلبنا التشيك اوت

ورحت تحت بعد ما نزلوا الاغراض ....حاسبتهم واخذ زيادة تقريبا 90 على الاكل
كم مرة طلبنا حق حسين ريوق متأخر بالغرفة
وغدا الوالدة اول يوم
عليهم بالعافية

وبعدها مشينا

والوداع للفندق قضينا فيه ايام حلوووة




طلعنا ورحنا مصنع الجسر وشريت ماي صحة ملقح

وماي لقاح

وماي مرقدوش

كان زحمة كله كويتين

وطلعت حق حسين الا رايح شاري لنا عصير شمام بارد لذيييذ





ومشينا ومادري شنو سالفة الجالية الهندية او الباكستانية

على الجسر واقفين ويصوروون

وعاملين زحمة





كان زحمة الجسر بس الحمدلله ما طولنا اكثر من نص او ساعه الا ربع واحنا طالعين

من الجمارك





طول الطريج البعارين موجودة

بس اللي يكونون قراب ما يمديني اصورهم من سرعة بعض الناس





ووصلنا بالسلامه








زحمة نويصيب
طلعنا يمكن بعد ساعة الا ربع




ولا تنسووون مو متغدين






ههههههههههه شوفو وجبتي

بالسيارة على ما نوصل البيت الا احنا مخلصين الحمدلله








احنا الساعه خمس بالكويت
الوالدة وخواتي تأخروا وظلوا هناك
الساعه خمس هم طلعووا من السيتي سنتر البحرين
ووصلوا الحدود عل الساعة 11 وما طلعوا الا الساعه 12ونص سيارة اختي واليهال
والسيارة الثانية الساعه 3 وصلوا البيت

يقولون زحمة حيل بالخفجي

ويعطييييييكم العافية
يا احلى أعضاء
اسعدتني ردودكم ومشاركاتكم
واكيد مساعداتكم قبل السفرة

الى لقاء بتقرير
دبي الصغير

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


20 / 11 / 2013, 53 : 03 PM
رقم المشاركة :  48 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

عندج طريقتين الاولى وانتي رايحة جسر الملك فهد قبل الجسر بمسافة بتلاقيج لفه على اليمين تاخذينها وعلى طول الشارع لين توصلين مسجد البستكي بتكون فيلا ماماز في مجمع سكني اسمه (سار أفنيوز) وبتكون سينما سار مقابلة المجمع
أما الطريقة الثانية
وإنتي في الهايوي يايه من السيف بعد كبري شارع البديع (كبري برجر لاند) قبل لفة السعودية في لفه مكتوب عليها (سار) تلفين فيها وعلى طول الشارع تتبعين العلامات الموجودة هناك لين توصلين سينما سار وبيكون المجمع إللي فيه فيلا ماماز مقابله
وهذي رابط حق خريطة المطعم:
وتقبلي خالص تحياتي


يابو باسل هذا عنوان المطعم على وصف
عضو بحريني
جزاه الله خير


**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


20 / 11 / 2013, 09 : 05 PM
رقم المشاركة :  49 
نائب رئيـس مجلـس الادارة



الملف الشخصي
تاريخ التسجيل : 24 / 06 / 2007
رقم العضوية : 30
الإقامة : طيبة الطيبة - الرياض
المشاركات : 17,997
التقارير : 53
الجنس : ذكر
الحالة : Abu sultan غير متواجد حالياً
رد: **.. الحب الأبدي..**

من زمان عن تقاريرك يا أم حسين .. يمكن اللي جعل الردود قليلة كثرة الصور في صفحة واحدة بحيث تاخذ وقت طويل لين ما تفتح الصفحة .. أنا فتحت على الموضوع ورحت أصلي ولما رجعت لقيت الموضوع جاهز للقراءة .. طبعا أنا حاط الصفحة عندي تفتح على 30 رد مرة وحدة .. الفندق اللي سكنتوا فيه خرافي! .. الغرف واسعة والسعر مناسب والموقع استراتيجي .. أثاثه وتفصيله وألوانه عجبتني .. داخ راسي من كثرة الأطباق! .. ما شاء الله شفت عدد من الصحون تكفيني لإسبوع بدون ما أمر على أي تقرير لمطاعم في المنتدى .. إختياراتكم كلها ذوق كيف لا ومعاكم أم حسين؟ .. لكن فيه واحد زعلني وأنا أقرأ الموضوع :

اقتباس:
عندنا حسين ما يحب الاكل الايطالي


ليه يا حسين الله يهديك؟ .. فيه أحد ما يحب الأكل الإيطالي؟ .. لين الحين أتذكر بيتزا بالفواكه أكلتها قبل حوالي ربع قرن وما زلت أتذكر طعمها .. دورت عليها في كل مطعم إيطالي دخلته ما وجدتها .. كانوا يعملوها بالأناناس أو التفاح وعليها صلصة حلوة خرافية! ..


ننتظر يبدأون الجسر بين البحرين وقطر علشان تكون كل دولنا الخليجية مرتبطة مع بعض بطريق بري .. ويا لسلام بعد لو أعادوا فكرة الجسر الذي يربط بين المملكة ومصر كان الواحد يقدر يسافر من الخليج العربي للبحر الأبيض المتوسط بالسيارة! ..
سلامة الوالدة ما تشوف شر .. إن شاء الله ما تكون تعبت معكم في الرحلة خاصة وإن رحلتكم كانت بالسيارة وكثرة التوقف عند المنافذ .. يحفظكم الرحمن ..
اجعل قلبك أبيض تعِش أسعد الناس
20 / 11 / 2013, 39 : 07 PM
رقم المشاركة :  50 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: **.. الحب الأبدي..**

اقتباس: المشاركة الأصلية كتبت بواسطة Abu sultan
من زمان عن تقاريرك يا أم حسين ..
حياك الله اخي بوسلطان

يمكن اللي جعل الردود قليلة كثرة الصور في صفحة واحدة بحيث تاخذ وقت طويل لين ما تفتح الصفحة .. أنا فتحت على الموضوع ورحت أصلي ولما رجعت لقيت الموضوع جاهز للقراءة .. طبعا أنا حاط الصفحة عندي تفتح على 30 رد مرة وحدة ..
والله اخوي بوسلطان انا محددة الصور كحد اعلى 60 صورة مثل باقي المنتديات .....مع ان الزاد يسمح باكثر من 100
المهم الردود اساسا قليلة جداااااا
يعني لو بحط بكل جزء صورة وحدة بتلاقي اجزاءي بنفس الصفحة وهذا اللي بيخلي الصور مركزة بصفحة وحدة وما تفتح

يعني الخطا مو مني من قلة الردود .......او يمكن مني لاني فكرت احط نقرير جديد وانا ادري ان المشاركين قليل بس ضياع وقت...انت معاي والا لأ

وتدري يابو سلطان التقرير من متى بدات فيه وسافرت خلال كتابتي له لدبي وتركته كم يوم ورجعت الوالدة تعبت زيادة
ونامت بالمستشفى عشرة ايام واحنا معاها
ما اشوف احد الا واحد اثنين في كل مرة .......كنت افكر انزل تقرير دبي ......بس الحين ما ادري والله محبطة

الفندق اللي سكنتوا فيه خرافي! .. الغرف واسعة والسعر مناسب والموقع استراتيجي .. أثاثه وتفصيله وألوانه عجبتني ..

من اختياري الفندق لقربه وسعره ولأنه جديد
يعطيك العافية
داخ راسي من كثرة الأطباق! .. ما شاء الله شفت عدد من الصحون تكفيني لإسبوع بدون ما أمر على أي تقرير لمطاعم في المنتدى ..
لا تنسى فيلا ماماز والايطالي مطاعم جديدة اول مرة يكتب عنها بالمنتدى

إختياراتكم كلها ذوق كيف لا ومعاكم أم حسين؟ ..
من ذوقك اخي بوسلطان

لكن فيه واحد زعلني وأنا أقرأ الموضوع :



ليه يا حسين الله يهديك؟ .. فيه أحد ما يحب الأكل الإيطالي؟ .. لين الحين أتذكر بيتزا بالفواكه أكلتها قبل حوالي ربع قرن وما زلت أتذكر طعمها .. دورت عليها في كل مطعم إيطالي دخلته ما وجدتها .. كانوا يعملوها بالأناناس أو التفاح وعليها صلصة حلوة خرافية! ..
شوقتنا عليها هالبيتزا الحلووة ......يمكن مع اطباق الحلوو
عندنا مطعم بيزاريا عندهم بيتزا حلووة بس ما ادري اذا عندهم نفس النوع

وحسين من زمان ما يحبه المعكرونيات اهل مجابيس ههههه
اسأل بوباسل



ننتظر يبدأون الجسر بين البحرين وقطر علشان تكون كل دولنا الخليجية مرتبطة مع بعض بطريق بري .. ويا لسلام بعد لو أعادوا فكرة الجسر الذي يربط بين المملكة ومصر كان الواحد يقدر يسافر من الخليج العربي للبحر الأبيض المتوسط بالسيارة! ..
الله كريم اي والله ودنا نرتبط ببعض


سلامة الوالدة ما تشوف شر .. إن شاء الله ما تكون تعبت معكم في الرحلة خاصة وإن رحلتكم كانت بالسيارة وكثرة التوقف عند المنافذ .. يحفظكم الرحمن ..
الله يسلمك يابو سلطان والحمدلله الحين الوالدة احسن بفضل الله ودعوات الاخوان لها
شكرااااااا لك يابو سلطان على المرور الكريم

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
تعريف الحب abdou واحـــــــة الــــزاد الـــعــــامة 8 13 / 04 / 2012 59 : 05 AM
ومن الحب ما قتل ناصر كويتي الأرشــيــف الــعــام 11 15 / 06 / 2008 10 : 11 AM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .