اخى الكريم
صور جميله جدا واختيارك موفق لمجموعه شركات تاج ياريت تزيد من صور الفنادق لتعطى الفندق جماليه اكثر

مشكورين على ردودكم ،
ونكمل معاكم اليوم الجزء الثالث وهو جزء نوراليا بريطانيا الصغرى واللي اسميها بلاد الغرب في بلاد الشرق ،
بعد ماصحينا وافطرنا في فندقنا في كاندي كان الاتجاه الى نوراليا ، وفي طريقنا الى نوراليا مرينا على مصنع الشاي وهذي صوره

وهذي ضيافتهم
الجو كان مطر وماقدرنا ناخذ جولة بالمصنع لأن المال ماشتغلو بالقطف للأسف
وهذي مزارع الشاي

وشرينا الشاي من المتجر وبصراحة بعد مارجعت الكويت لقيته احسن شركة شاي بسيلان ، اخذنا الشاي وطلعنا نكمل طريقنا ، مرينا على مطعم وبسبب منظر جلساته صابنا الجوع من حلاوة منظر المطعم ، هذي صور من المطعم

وهذي وجبتي ولاحظو ان الفلفل بكل شي موجودوهذا كان قريب منهم
وبعد ماتغدينا كملنا الطريق الى ان مرينا من الشلالات وهذي صور من الشلال ومن الطريق عامتا ،

وصلنا الفندق بعد طريق اخذ منا تقريبا 3 ساعات وكان فندق قراند بنوراليا وهذي صور من الفندق من الداخل ومن الخارج

وهذا مطل غرفتي

صورة صالة البوفيه

بعض الصور من الداخل
تمشينا حول الفندق وتعشينا وجلسنا بالقهوة الى ان حان وقت النوم ،ثاني يوم صحينا وطلعنا نتمشى بالمنطقة وفي بحيرتها ،

ركبنا قارب لمدة نص ساعة في البحيرة بمبلغ 4000 روبية ( خاص لنا انا وزوجتي ) ، وبعدها رحنا طلعنا على الحديقة الملكية في كاندي وكانت رسوم الدخول 1100 روبية للشخص ، لكن للأسف ماقعدنا فيها الا ربع ساعة بسبب انه كان يوم اجازة وكانت زحمة الى ابعد حد والزحمة كانت من الطبقة السيلانية الفقيرة اااي قادمه من كل مناطق سيلان ، ماعجبتنا نظراتهم لنا فطلعنا ورحنا نتمشى حول الفندق ، بصراحة المنطقة كانت حلوه الى ابعد حد وانا بصراحة عجبتني حيل بسبب جوها البارد وطريقة مبانيها البريطانية ،
وهنا نكون انتهينا من نوراليا وبكره نطلع الى كولومبو ، كتفي بهذا القدر والتقيكم قريبا .

للتوضيح اخوي طلال اكيد التبس عليك الحدائق اعتقد تقصد الحديقه النباتيه او حديقة فيكتوريا الي في نوراليا وليست في كاندي
ترانا متابعين جيدين


بس اعتقد سعر جولة القارب ب 5000 روبيه لمدة ساعه اعتقد كذا حسب ماقرات من تقارير الشباب



تصوير جميل وتقرير اروع


استمر اخوي ونحن معاك قلبا وقالبا

اشكرك اخوي darkmoon على التصحيح وفعلا هذا اللي اقصده ، اما بسعر جولة القارب فكانت 4000 روبية لنص ساعة ، يمكن انا اخذتها غالية .

اشكركم على ردودكم
ونكمل الجزء الرابع والاخير وهو كولومبو ، للأسف كولومبو ماعندي صور لها .
طلعنا من نوراليا الصبح وكان الريق تقريبا 5 ساعات ، وصلنا كولومبو وسكنا في فندق سينامون والفندق كان رائع وماعندي الا هالصورة


بعد ماوصلنا وارتحنا نزلنا نتمشى على البحر ورجعنا لمجمع الفندق بعدها رجعنا وتعشينا ونمنا ، ثاني يوم وهو اليوم الاخير كان يوم التسوق ، طلعنا صباحا لمجمع house of fashion مجمع على قد الحال لكن حلو ورخيص الى ابعد مدى وبعد ماتبضعنا فيه طلعنا لمجمع odel وتمشينا فيه وكان حلو وقبل لانجيه كنا متغدين ببيزا هت ، بعد ماخلصنا التسوق وراحت فلوسنا رجعنا للفندق تعشينا ونمنا استعدادا للعودة للوطن غدا .
ودمتم سالمين .

الله يعطيك العافية عالتقرير
أحسنت بشراء الشاي من نوراليا فتلك المناطق هي أفضل مكان للشاي بالعالم

ما شاء الله تقرير في غاية الروعة
بالفعل بلد يستحق الزيارة
سجلني مع المتابعين

كيف كان السائق

ممكن رقمه خاص

الله يجزاك خير رحلة رايقة وراقية .. هل يمكن السفر من كاندي إلى نوراليا والعودة لكاندي مرة أخرى في نفس اليوم أم لا بد من المبيت في نوراليا؟ .. فندق سنامون اللي سكنته أي واحد؟ لأن في فندقين اسمهم سينامون واحد سينامون جراند والثاني سينامون ما أدري أيش ..

جزاك الله خير ، وبارك الله فيك على هذا التقرير الرائع .